ԿԸՀ-ի մոտ ընդդիմադիր կուսակցությունների երիտասարդական թևի ներկայացուցիչները անց են կացնում բողոքի ցույց
15:11, 04.11.2020
Կենտրոնական ընտրական հանձնաժողովի մոտ ընդդիմադիր կուսակցությունների երիտասարդական թևի ներկայացուցիչները անց են կացնում բողոքի ցույց:
Ինչպես ասում են ակտիվիստները, ցույցերը ունենալու են շարունակական բնույթ: Նրանք կենտրոնական ընտրական հանձնաժողովի դիմաց երկաթե ցանկապատի վրա ներկով կատարել են գրառումներ՝ «կեղծարարներ», «կեղծիքների բյուրո»:
«Մենք կշարունակենք հանրահավաքները, տիկին Թամար Ժվանիան պետք է իմանա, որ ինքը կեղծարար է: Մենք չենք հանդուրժելու այս անարդարությունը և պայքարելու ենք յուրաքանչյուր ձայնը պաշտպանելու համար»,- ասել է ցույցի մասնակիցներից մեկը՝ Նիկա Փարուլավան:
Կենտրոնական ընտրական հանձնաժողովի մոտ կենտրոնացված է ոստիկանությունը:
