Եվրամիության արտաքին գործերի և անվտանգության քաղաքականության գերագույն ներկայացուցիչ Կայա Կալասը նշում է, որ Վրաստանի համար վիզայի ազատականացման կասեցման հարցը մանրամասն չի քննարկվի Եվրամիության արտաքին գործերի նախարարների խորհրդի նիստում, չնայած նա նշել է, որ սա գործիքներից մեկն է։

Կայա Կալասի խոսքով՝ նիստում նա կբարձրացնի պատժամիջոցների հարցը։

«Մենք այսօր կքննարկենք նաև Վրաստանի հարցը։ Իհարկե, ինչպես դուք ասում եք, իրավիճակը վատթարանում է, և մենք տեսնում ենք բազմաթիվ զարգացումներ։ Հետևաբար, ես կրկին կբարձրացնեմ Վրաստանում բռնություն կիրառողների և մարդու իրավունքները խախտողների դեմ պատժամիջոցների հարցը։ Մենք նաև կքննարկենք, թե ինչ կարող ենք անել, քանի որ Վրաստանը ճիշտ ուղու վրա չէ։ Մենք այսօր մանրամասն չենք քննարկի վիզայի ազատականացման կասեցումը, բայց այո, սա գործիքներից մեկն է», – ասել է Կայա Կալասը։