Մենք մարդու իրավունքների, հիմնարար ազատությունների կողմնակիցներ ենք։ Մամուլի ազատությունը դրանցից մեկն է,- ԵՄ արտաքին գործերի խորհրդի մեկնարկից առաջ լրագրողներին ասել է Եվրոպական Միության արտաքին գործերի և անվտանգության քաղաքականության գերագույն ներկայացուցիչ Կայա Կալասը։

Կալասին հարցրել են. «Ինչպե՞ս կարող է Եվրամիությունը աջակցել Վրաստանի բնակչությանը, լրատվամիջոցներին և քաղաքացիական հասարակությանը՝ Վրաստանում ՀԿ-ների, լրագրողների, լրատվամիջոցների և քաղաքական գործիչների դեմ ընդունվող օրենքների համատեքստում։

«Ես սպասում եմ, որ որոշ նախարարներ նույնպես կբարձրացնեն այս հարցը։ Ինչպես նախկինում, մենք մարդու իրավունքների, հիմնարար ազատությունների կողմնակիցներ ենք, և մամուլի ազատությունը դրանցից մեկն է։ Հետևաբար, մենք, անշուշտ, ակնկալում ենք քայլեր ձեռնարկել նրանց դեմ, ովքեր դա անում են», – ասել է Կայա Կալասը։

Տեղեկության համար՝ մեծամասնության առաջնորդ Իրակլի Կիրցխալիան հունվարի 28-ին խորհրդարանական մեծամասնության նիստից հետո հայտարարեց, որ պատրաստվել են մի քանի օրենսդրական փոփոխություններ։ Մասնավորապես, ըստ Կիրցխալիայի, Վրաստանի «Դրամաշնորհների մասին» օրենքը կփոփոխվի, կսահմանվի քրեական պատասխանատվություն, իսկ արտաքին լոբբինգը կլինի պատժելի։ Օրենսդրական փոփոխություններ են նախապատրաստվել նաև «Քաղաքացիների քաղաքական միությունների մասին» օրենքում և ձեռնարկատիրական կազմակերպությունների հրապարակային քաղաքական գործունեության վերաբերյալ։