ԵՄ-ն չի պատրաստվում «կռիվ սկսել» ԱՄՆ-ի հետ Գրենլանդիայի հարցի շուրջ, բայց կպաշտպանի իր դիրքորոշումները և ունի դրա համար համապատասխան գործիքներ։ Այս մասին հայտարարել է Եվրոպական Միության արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալասը Ստրասբուրգում Եվրախորհրդարանի նստաշրջանում Գրենլանդիայի և տրանսատլանտյան հարաբերությունների վերաբերյալ լսումների ժամանակ իր ելույթում։

«ԵՄ-ն չի պատրաստվում կռիվ սկսել, բայց կպաշտպանի իր դիրքորոշումները։ Եվրոպան ունի գործիքների մի ամբողջություն իր շահերը պաշտպանելու համար», – ասել է Կալասը։

Նրա խոսքով՝ սպառնալիքը «չի ստիպի Դանիային հրաժարվել Գրենլանդիայից, բայց կաղքատի և՛ ԱՄՆ-ին, և՛ Եվրոպային»։

«ԵՄ-ն միանշանակորեն աջակցում է Դանիային և Գրենլանդիային՝ պաշտպանելով նրանց տարածքային ամբողջականությունն ու ինքնիշխանությունը։ Նախագահ Թրամփի շաբաթ օրվա հայտարարությունները ստեղծել են մի իրավիճակ, որում մենք երբեք չենք եղել։ Մեր պատասխանը պետք է լինի՝ պահպանել հանգստություն, պաշտպանել մեր դիրքորոշումները և գործել միասին», – ասել է Կալասը։

Բացի այդ, Կալլասն ասաց. «Գրենլանդիան և Դանիան բանակցություններ են վարում ԱՄՆ-ի հետ։ Սա է այն, ինչ անում են պատասխանատու դաշնակիցները՝ նրանք խոսում են, բայց զրույցի տոնը կարևոր է, և սպառնալիքները անընդունելի են»։

Կալլասը կրկին մեղադրեց Ռուսաստանին և Չինաստանին Արկտիկայում անվտանգությունը խաթարելու փորձերի մեջ և կոչ արեց ԱՄՆ-ին ՆԱՏՕ-ի շրջանակներում դիմակայել Ռուսաստանին և Չինաստանին Արկտիկայում և Գրենլանդիայում։