ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի միջև հեռախոսազրույցները բազմաթիվ հարցեր են թողնում անպատասխան, ասել է Եվրոպական Միության գերագույն հանձնակատար Կայա Կալասը։

Ըստ Կալասի, Ռուսաստանը չի ցանկանում որևէ տեսակի երկխոսություն սկսել, և ռուսները պետք է կարողանան անցնել երևակայականից իրական բանակցությունների։

«Ուկրաինայի խաղաղության բանակցությունները իրականում կանգ են առել։ Իրականում այնտեղ ոչինչ չի կատարվում։ Իհարկե, երբ մենք տեսնում ենք նախագահ Թրամփի և նախագահ Պուտինի միջև այս հեռախոսազրույցները, ապա շատ անպատասխան հարցեր են առաջանում, հաշվի առնելով, որ Ռուսաստանը բացահայտորեն գովաբանում է Իրանի հերոսական պայքարը Միացյալ Նահանգների դեմ։ Արդյո՞ք սա նշանակում է, որ Ռուսաստանի վրա իրականում ավելի մեծ ճնշում կա, քանի որ նրանք օգնում են Իրանին Միացյալ Նահանգների դեմ պատերազմում», – ասել է Կայա Կալասը։