Խորհրդարանի նախագահ Կախա Կուճավան հանդիպել է պաշտոնական այցով Վրաստանում գտնվող Ադրբեջանի մշակույթի նախարար Անար Քարիմովին:
Վրաստանի խորհրդարանի հաղորդմամբ, հանդիպմանը քննարկվել են երկու երկրների պատմական ու բարեկամական հարաբերությունները: Շեշտը դրվել է խորհրդարանական դիվանագիտության, ինչպես նաև մշակութային դիվանագիտության և երկու երկրների համար շահավետ նախաձեռնությունների իրականացման կարևորության վրա: Կողմերի կարծիքով, քաղաքական և տնտեսական ոլորտներում համագործակցությանը զուգընթաց, մշակույթը մի ոլորտ է, որը կնպաստի միջմարդկային հարաբերությունների ամրապնդմանը:
Հանդիպման ընթացքում քննարկվել է նաև սերտ և համակարգված հաղորդակցությունը տարբեր միջազգային հարթակներում: