Թբիլիսիի քաղաքապետ Կախա Կալաձեն հայտարարել է, որ նախագահ Միխեիլ Ղավելաշվիլու այցելությունը Ամերիկայի Միացյալ Նահանգներ շատ կարևոր է Վրաստանի համար, քանի որ ՄԱԿ-ի Գլխավոր ասամբլեան հարթակ է, որը պետք է անպայման օգտագործվի։

Նրա խոսքով՝ ասամբլեայի 80-րդ նստաշրջանի ամբիոնը, որտեղ ելույթ է ունենալու Ղավելաշվիլին, պետք է օգտագործվի, որպեսզի աշխարհը իմանա ճշմարտությունը։

«Սա չափազանց կարևոր հարթակ է, որը պետք է անպայման օգտագործվի, և ամբողջ աշխարհը պետք է իմանա ճշմարտությունն ու իրականությունը։ Ինչ վերաբերում է հենց ելույթին՝ հիմնական ուղերձները, իհարկե, վերաբերելու են առկա իրավիճակին, ինչպես նաև այն փաստին, որ Վրաստանը պատրաստ է նոր էջից սկսել հարաբերությունները Ամերիկայի Միացյալ Նահանգների հետ։ Մենք բազմիցս պարզաբանել ենք, որ երկկողմ բարեկամական հարաբերությունները չափազանց կարևոր են», – հայտարարել է Կախա Կալաձեն։