Թբիլիսիի քաղաքապետ Կախա Կալաձեն հայտարարել է, որ Վրաստանի կառավարությունը պատրաստ է հարաբերությունների կարգավորմանն Ամերիկայի Միացյալ Նահանգների հետ, թեև այդ գործընթացը պետք է երկկողմանի լինի։

Այս մասին Կալաձեն հայտարարել է ԱՄՆ Սենատի արտաքին հարաբերությունների հանձնաժողովի ծրագրված նիստի կապակցությամբ, որտեղ այսօր քննարկվում է երկկուսակցական օրենքի նախագիծը՝ «Վրաց ժողովրդի ակտը»։

«Ես ոչ մի նոր բան չեմ սպասում։ Ինչ վերաբերում է ԱՄՆ-Վրաստան հարաբերություններին, ևս մեկ անգամ կրկնում եմ. «Վրաստանի կառավարությունը պատրաստ է կարգավորել հարաբերությունները: Նա պատրաստ է խորացնել ու ավելի ընկերական դարձնել հարաբերությունները, բայց ինչպես սերը չի կարող միակողմանի լինել, այնպես էլ այս հարաբերությունները չեն կարող լինել միակողմանի։ Իհարկե, մեր կողմից չի լինի որոշակի հարաբերությունների համար հրաժարվել երկրի շահերից։ Մենք պատրաստ ենք պաշտպանել Վրաստանի շահերը:  Միաժամանակ մենք պատրաստ ենք բարեկամական և գործընկերային հարաբերությունների։ Մենք բազմիցս ապացուցել ենք ոչ միայն խոսքով, այլև կոնկրետ գործողություններով ու քայլերով, որ Վրաստանը վստահելի գործընկեր երկիր է»,- ասել է Կախա Կալաձեն։