Ե՛վ թռիչքները, և՛ առանց վիզայի ճանապարհորդությունը միակողմանի որոշում էր, կարծում եմ՝ վաղվանից կսկսվեն ուղիղ չվերթները, ինչը մարդկանց հնարավորություն կտա ուղիղ ճանապարհորդել Ռուսաստանի տարբեր քաղաքներ՝ այլ երկրներով անցնելու փոխարեն,- այս մասին հայտարարել է մայրաքաղաքի քաղաքապետ Կախա Կալաձեն։

Կալաձեի խոսքով՝ պատժամիջոցների տակ գտնվող ընկերություններից ոչ մեկը չի կարողանա թռիչքներ իրականացնել Վրաստանում։

«Մենք ամենայն պատասխանատվությամբ հայտարարում ենք, որ պատժամիջոցների տակ գտնվող ոչ մի ընկերություն չի կարող թռիչքներ իրականացնել։ Համապատասխան ծառայություններն ուսումնասիրում են դա։ Աբխազիան հանվել է անկախ երկրի կարգավիճակ ունեցող երկրներից, ինչը շատ լավ է։ Շատ մեծ խնդիր է, որ մեր երկրի տարածքների որոշակի հատված օկուպացված է։ Սա մեր ժողովրդի և երկրի ամենամեծ մարտահրավերներից մեկն է։ Մեր իշխանության նշված քաղաքականությամբ մենք պետք է ամեն ինչ անենք մեր տարածքները ապաօկուպացնելու և վերադարձնելու համար։ Մենք պետք է դա անենք խաղաղությամբ, հզոր տնտեսական զարգացմամբ, խելամտությամբ, առաջընթացով և կրթությամբ»,- ասել է Կալաձեն։