Վարչապետն ինքը խոսեց կադրային փոփոխությունների մասին, մանրամասն պարզաբանումներ արեց, և ես շատ բան չեմ կարող ավելացնել,- այսպես պատասխանեց Թբիլիսիի քաղաքապետ Կախա Կալաձեն կառավարությունում սպասվող կադրային փոփոխություններին վերաբերող հարցին։

Նրա խոսքով՝ նշված հարցի վերաբերյալ հարցերը սպառվել են, քանի որ Իրակլի Կոբախիձեն՝ որպես կառավարության ղեկավար, արդեն լայնորեն խոսել է կառավարության հետ կապված կադրային որոշման մասին։

«Իրակլի Կոբախիձեն կառավարության ղեկավարն է, և նա է որոշում՝ ինչ և ինչպես անել։ Կարծում եմ՝ բոլոր նախարարները տեղում են և շարունակում են աշխատել։ Իրակլի Կոբախիձեն լայնորեն խոսել է այս որոշման մասին։ Ուստի հարցերը սպառված են։ Վարչապետն անմիջական կապ ունի կառավարության աշխատանքի, նախարարների իրավասության, նրանց աշխատանքի հետ։ Եվս մեկ անգամ կրկնում եմ՝ նա ամենից լավ գիտի, թե ինչ պետք է անել և ինչ որոշում պետք է կայացնել կառավարության հետ կապված»,- ասել է Կախա Կալաձեն։