Ընդդիմության կողմից կառավարության ճանաչման կամ չճանաչման մասին խոսակցությունները քաղաքական շահարկումներ են,- այս մասին լրատվամիջոցներին ասել է մայրաքաղաքի քաղաքապետ Կախա Կալաձեն։

Ինչպես նա նշել է, ԵԱՀԿ խորհրդարանական վեհաժողովի պատվիրակության այցը Վրաստան ապացույցն է այն բանի, որ կառավարությունը շարունակում է ակտիվորեն համագործակցել միջազգային կազմակերպությունների հետ։

«Ամենակարևորն այն է, որ վրաց ժողովուրդը ճանաչել է «Վրացական երազանք – ժողովրդավարական Վրաստանը», և արդեն մի քանի տարի է, ինչ բնակչության մեծամասնությունը աջակցում է մեզ։ Ընդդիմության կողմից կառավարության ճանաչման կամ չճանաչման մասին խոսակցությունները քաղաքական շահարկումներ են։ Մենք վարում ենք քաղաքականություն, որը կարևոր է մեր երկրի և բնակչության համար։

Ինչ վերաբերում է ԵԱՀԿ պատվիրակությանը, մենք հիշում ենք, թե ինչ գնահատականներ են նրանք տվել վերջին ընտրությունների վերաբերյալ։ Նրանք ուղղակիորեն հայտարարել են, որ բոլոր քաղաքական կուսակցություններն ունեն հավասար հնարավորություններ մասնակցելու ընտրություններին, և վրաց ժողովուրդը կարող է ազատորեն կատարել իր ընտրությունը։ Մենք նաև հիշում ենք ընդդիմության, արմատականների և արտաքին ուժերի արձագանքները՝ թե ինչպես են նրանք վիրավորել առաքելության ներկայացուցիչներին։ Մենք գիտենք նրանց վերաբերմունքը և շարունակում ենք համագործակցել բոլոր միջազգային կազմակերպությունների հետ», – նշել է Կախա Կալաձեն։