Կարլ Նեհամեր. Ավստրիան հստակորեն պաշտպանում է Վրաստանի տարածքային ամբողջականությունն ու ինքնիշխանությունը
Ավստրիայի Հանրապետության դաշնային կանցլեր Կարլ Նեհամերը թվիթերյան սոցիալական ցանցում արձագանքել է Վրաստանի վարչապետ Իրակլի Ղարիբաշվիլիի հետ հանդիպմանը։
Կարլ Նեհամմերը նշում է, որ Ավստրիան հստակորեն պաշտպանում է Վրաստանի տարածքային ամբողջականությունն ու ինքնիշխանությունը։ Ավստրիայի Հանրապետության դաշնային կանցլերը թվիթերում գրառել է, որ վարչապետ Իրակլի Ղարիբաշվիլիի հետ քննարկել է երկկողմ համագործակցությունը և Եվրամիության հետ հետագա մերձեցման հնարավորությունները։
«2022 թվականին մենք նշում ենք Վրաստանի հետ դիվանագիտական հարաբերությունների հաստատման 30-ամյակը։ Մեզ կապում են նաև սերտ տնտեսական հարաբերություններ, ուստի շատ ուրախ էի հանդիպել վարչապետ Իրակլի Ղարիբաշվիլիի հետ։ Քննարկված թեմաներն էին մեր երկկողմ համագործակցությունը և Եվրամիության հետ հետագա մերձեցման հնարավորությունները։ Զրույցում անդրադարձ է կատարվել նաև Ուկրաինայի դեմ Ռուսաստանի ագրեսիվ պատերազմին, որը մենք երկուսս էլ դատապարտում ենք։ Այստեղ հնարավոր չէ մոռանալ Հարավային Օսիայի և Աբխազիայի սառեցված հակամարտությունները։ Ավստրիան հստակորեն աջակցում է Վրաստանի տարածքային ամբողջականությանը և ինքնիշխանությանը»,- ասում է Կարլ Նեհամերը։