Կառավարության վարչակազմը նախարարների կաբինետի կազմի և կառավարական ծրագրի վերաբերյալ տարածում է պաշտոնական տեղեկություն
Վրաստանի վարչապետի թեկնածու Գիորգի Գախարիան, Վրաստանի սահմանադրության ու խորհրդարանի կանոնակարգին համապատասխան, տասներրորդ գումարման խորհրդարան է ներկայացրել նախարարների կաբինետի կազմը և կառավարական՝ «Եվրոպական պետության կառուցում» ծրագիրը: Տեղեկատվությունը տարածում է Վրաստանի կառավարության վարչակազմը:
Կառավարության վարչակազմը նախարարների կաբինետի կազմի և կառավարական ծրագրի վերաբերյալ տարածում է պաշտոնական տեղեկություն:
Կառավարության կաբինետի կազմում նախարարների թեկնածուներ են ներկայացվել.
- Կրթության, գիտության, մշակույթի և սպորտի նախարար – Միխեիլ Չխենկելի
- Բնապահպանության և գյուղատնտեսության նախարար – Լևան Դավիթաշվիլի
- Էկոնոմիկայի և կայուն զարգացման նախարար – Նաթիա Թուրնավա
- Պաշտպանության նախարար – Իրակլի Ղարիբաշվիլի
- Արդարադատության նախարար – Գոչա Լորթքիփանիձե
- Բռնազավթված տարածքներից փախստականների, աշխատանքի, առողջապահության և սոցիալական պաշտպանության նախարար – Էկատերինե Տիկարաձե
- Տարածաշրջանային զարգացման և ենթակառուցվածքների նախարար – Մայա Ցքիտիշվիլի
- Արտաքին գործերի նախարար – Դավիթ Զալկալիանի
- Ֆինանսների նախարար – Իվանե Մաճավարիանի
- Ներքին գործերի նախարար – Վախտանգ Գոմելաուրի
- Հաշտեցման և քաղաքացիական հավասարության հարցերով պետական նախարար – Թեա Ախվլեդիանի:
Ինչ վերաբերում է «Եվրոպական պետության կառուցում» կառավարական ծրագրին, դրա հիմնական նպատակն է հաղթահարել համավարակով առաջացած ճգնաժամը, տնտեսության արագ վերականգնումն ու զարգացումը, յուրաքանչյուր քաղաքացու համար կայուն և անվտանգ միջավայրի ստեղծումը, կառուցվածքային բարեփոխումների շարունակումը:
Միևնույն ժամանակ, երկիրը կշարունակի քայլեր ձեռնարկել ժողովրդավարության ամրապնդման և արտաքին ասպարեզում եվրոպական և եվրաատլանտյան ինտեգրման ձգտելուն: Հաջորդ տարիների հիմնական խնդիրը կլինի երկրի ինստիտուցիոնալ, տնտեսական և սոցիալական նախապատրաստումը՝ 2024 թվականին Եվրամիությանը լիիրավ անդամության հայտ ներկայացնելու համար:
Ելնելով այս նպատակներից, Վրաստանի կառավարության ջանքերը երկրի տնտեսության արագ վերականգնման և զարգացման, ինչպես նաև ուժեղ, միավորված և ժողովրդավարական պետություն կառուցելու համար, կենտրոնանալու են հետևյալ չորս հիմնական ուղղությունների վրա
- Արտաքին քաղաքականություն, անվտանգություն, հակամարտությունների լուծում և մարդու իրավունքներ
- Տնտեսական զարգացում
- Սոցիալական քաղաքականություն և մարդկային կապիտալի զարգացում
- Պետության կառավարում
Յուրաքանչյուր առանցքային ոլորտ ներառում է կառավարության կողմից նախանշված տեսլական և գործողությունների հատուկ քայլեր, որոնք մանրամասնորեն ներկայացված են օրենսդիր մարմնին ներկայացված կառավարության ծրագրում: