Վրաստանի կառավարության վարչակազմն արձագանքում է Ստրասբուրգ այցի հետաձգման վերաբերյալ Վրաստանի նախագահի վարչակազմի հայտարարությանը։

«Մենք կցանկանայինք պատասխանել Վրաստանի նախագահի՝ Ստրասբուրգ քաղաք կատարած այցի հետաձգման վերաբերյալ հայտարարությանը։

Ընդգծում ենք, որ այն տեղեկությունը, որ Վրաստանի կառավարությունը արհեստականորեն ձգձգել է հաստատման գործընթացը, ինչն էլ դարձել է այցի հետաձգման պատճառ, կեղծ են և չեն համապատասխանում իրականությանը։

Նախագահը Ստրասբուրգ նախատեսվող այցի վերաբերյալ Վրաստանի կառավարության բանավոր համաձայնությունը ստացել է մարտի սկզբին՝ ԱՄՆ կատարած այցի ժամանակ։ Կառավարության և նախագահի վարչակազմի միջև աշխատանքային գործընթացը և տեխնիկական մանրամասների ճշգրտումը շարունակվում էր։ Նախագահի վարչակազմի վերջին, պարզաբանված նամակը կառավարության աշխատակազմին հասել է երեկ՝ ապրիլի 12-ին, իսկ հաջորդ օրը՝ ապրիլի 13-ին, գրավոր համաձայնություն է ուղարկվել Ֆրանսիայի Հանրապետություն՝ Ստրասբուրգ, աշխատանքային այցի վերաբերյալ:

Նաև Վրաստանի նախագահին գրավոր համաձայնություն է ուղարկվել Մեծ Բրիտանիա և Հյուսիսային Իռլանդիայի Միացյալ Թագավորություն աշխատանքային այցի վերաբերյալ։

Այստեղ նշում ենք, որ նախագահի՝ մարտի 13-16-ը Ֆրանսիայի Հանրապետություն և Բելգիայի Թագավորություն աշխատանքային այցի դեպքում կառավարության վարչակազմը հավանություն է տվել մարտի 10-ին մարտի 13-ին նախագահի աշխատակազմից ստացված գրությանը։ Ըստ այդմ, կառավարության վարչակազմն անմիջապես տվել է իր համաձայնությունը ինչպես նախորդ այցերի, այնպես էլ նշված այցի հետ կապված»,- ասված է Վրաստանի կառավարության վարչակազմի հայտարարության մեջ։

Վրաստանի կառավարության վարչակազմը հրապարակում է նաև վարչապետ Իրակլի Ղարիբաշվիլիի ստորագրած համապատասխան հրամանագրերը։

Վրաստանի նախագահի վարչակազմը հայտարարություն է տարածել՝ կապված ապրիլի 18-ին նախատեսված Սալոմե Զուրաբիշվիլիի Ստրասբուրգ այցի հետաձգման հետ։ «Վրաստանի կառավարության կողմից հաստատման արհեստականորեն ձգձգվող գործընթացի պատճառով Սալոմե Զուրաբիշվիլին որոշել է հետաձգել իր այցը Ստրասբուրգ»,- ասվում է նախագահի վարչակազմի հայտարարության մեջ։