Վրաստանի պաշտպանության նախարար Ջուանշեր Բուրճուլաձեի խոսքով, Վրաստանի հարցն այնքան էլ ակտուալ չի եղել ՆԱՏՕ-ում մինչ այժմ։

«Բոլոր բանախոսները միանշանակ նշեցին Ուկրաինայի հետ կապված Վրաստանի մարտահրավերները, նրա նպատակները և աջակցություն ցուցաբերելն այն նպատակներում, որն ունի Վրաստանը, որը մեր ժողովրդի ընտրությունն է»,- ասել է Բուրճուլաձեն։

Նրա խոսքով, ամենաարդիականը ներկայիս պատերազմի թեման էր:

«Էսկալացիան կարող է հանգեցնել աղետի, դա գիտակցում է ամբողջ քաղաքակիրթ աշխարհը։ Պատժամիջոցները և այլ մեխանիզմները, իհարկե, կհասնեն նպատակին միջնաժամկետ և երկարաժամկետ հեռանկարում», – ասել է Ջուանշեր Բուրճուլաձեն։

Բացի այդ, Ջուանշեր Բուրճուլաձեն նշել է, որ Վրաստանի իշխանության դիրքորոշումը գործընկեր երկրներից ոչ մեկում հարցեր չի առաջացնում։

«Մեր իշխանությունը, վարչապետը և մեր թիմը հիմա ճիշտ քաղաքականություն են վարում, և մեր դիրքորոշումը գործընկեր երկրներից ոչ մեկում հարցեր չի առաջացնում։ Մենք վերջիվերջո հասնելու ենք մեր նպատակին՝ դառնալ քաղաքակիրթ աշխարհի մաս»,- ասել է Ջուանշեր Բուրճուլաձեն, ով Բրյուսելում մասնակցում է ՆԱՏՕ-ի պաշտպանության նախարարների հանդիպմանը։