Ջոզեֆ Բորելը հայտարարել է, որ Սուդանում հարձակվել են Եվրամիության դեսպանի վրա
Սուդանում հարձակվել են Եվրամիության դեսպանի վրա. Այս մասին «Twitter» սոցիալական ցանցում գրել է ԵՄ արտաքին քաղաքականության և անվտանգության գերագույն ներկայացուցիչ Ջոզեֆ Բորելը։ Նրա հաղորդման համաձայն՝ դեսպանի վրա հարձակվել են իր նստավայրում։
«Մի քանի ժամ առաջ Սուդանում ԵՄ դեսպանի վրա հարձակում է տեղի ունեցել իր նստավայրում։ Սա Վիեննայի կոնվենցիայի կոպիտ խախտում է։ Դիվանագիտական հաստատությունների և անձնակազմի անվտանգությունը միջազգային իրավունքի համաձայն Սուդանի կառավարության հիմնական պարտականությունն ու պարտավորությունն է»,- գրել է Բորելը։
ԵՄ դեսպանի վրա հարձակման մանրամասներն ու դիվանագետի վիճակը հայտնի չեն։ Սուդանում ԵՄ դեսպանը իռլանդացի դիվանագետ Էիդան Օ’Հարան է:
Հիշեցնենք, որ երեք օր է Սուդանում բախումներ են տեղի ունենում երկրի բանակի և «արագ աջակցության ուժերի» միջև։