Կոչ ենք անում վրացական պատվիրակությանը շարունակել բարեխղճորեն աշխատել Եվրոպայի խորհրդի խորհրդարանական վեհաժողովի զեկուցողների հետ և անհապաղ կյանքի կոչել բանաձեւում նշված բոլոր առկա խնդիրները, որոնք առնչվում են մեր արժեքներին ու սկզբունքներին։ Մասնավորապես՝ մարդու իրավունքները, ժողովրդավարությունը և օրենքի գերակայությունը,- Եվրոպայի խորհրդի խորհրդարանական վեհաժողովում ասել է «Միացյալ եվրոպական ձախեր» քաղաքական խմբի ներկայացուցիչ Ջորջ Լուկաիդսը։

Նա ասել է.«Միևնույն ժամանակ մենք կոչ ենք անում վրացական ընդդիմությանը հնարավորինս արագ զբաղեցնել իրենց տեղերը խորհրդարանում, հարգել իրենց մանդատները և ներկայացնել իրենց ընտրողներին»:

«Սա կապահովի նրանց ներկայացվածությունը այս Վեհաժողովում, ինչը թույլ կտա բոլոր անդամներին ակտիվորեն նպաստել վեհաժողովի աշխատանքներին և կնպաստի ընդդիմության և իշխող մեծամասնության միջև երկխոսությանը: Եվրոպական միացյալ ձախ կուսակցությունը կոչ է անում Վրաստանի կառավարությանն ու խորհրդարանական կոալիցիայի ընդդիմությանը ելք գտնել ստեղծված փակուղուց։ Մենք առաջարկում ենք այս հարցը վերսկսել ապրիլյան նստաշրջանում, իսկ մինչ այդ մենք աջակցում ենք վրացական պատվիրակության մանդատի վավերացմանը»,- նշել է Ջորջ Լուկաիդսը։