Բաց դռների քաղաքականությունը ակտիվորեն քննարկվում է ՆԱՏՕ-ում,- այս մասին Վրաստանի Առաջին ալիքին տված բացառիկ հարցազրույցում հայտնել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ափաթուրայը:

Հարցին, թե ՆԱՏՕ-ում քննարկում կա՞ բաց դռների քաղաքականությունը ակտիվացնելու և ՆԱՏՕ-ին անդամակցության գործողությունների պլանը Վրաստանին հանձնելու շուրջ, Ափաթուրայը պատասխանեց, որ բաց դռների քաղաքականության մասին խոսելը պարզ հայտարարություն չէ:

«Իհարկե, ես չեմ կարող նշել Վրաստանի համար ՄԱՊ-ի փոխանցման ստույգ ամսաթիվը: Այնուամենայնիվ, ես կարող եմ հաստատել, որ այստեղ ՆԱՏՕ-ում բաց դռների քաղաքականության շուրջ իրոք ակտիվ քննարկում կա, և դա պարզ հայտարարություն չէ, որը մենք անում ենք երեք ամիսը մեկ անգամ:

Ինչպես ենք մենք կզարգացնենք այս հարցը, ինչպես ենք այն իրականություն կդարձնենք, ինչպես կօգնենք մեր գործընկերներին, սա այն է, ինչին նոր խթան կհաղորդենք առաջիկա ամիսներին: Համոզված եմ, որ 2021 թվականի գագաթնաժողովին բաց դռների քաղաքականությունը կլինի գագաթնաժողովի կոմյունիկեի նախապատրաստման ընթացքում քննարկված հարցերից մեկը», – հայտարարում է Ջեյմս Ափաթուրայը: