Իսրայելում հազարավոր մարդիկ դուրս են եկել փողոցներ ՀԱՄԱՍ-ի հետ հրադադարի մասին համաձայնագրի ուժի մեջ մտնելուց ժամեր առաջ
Հազարավոր մարդիկ Իսրայելում դուրս են եկել փողոցներ ՀԱՄԱՍ-ի հետ հրադադարի համաձայնագրի ուժի մեջ մտնելուց ժամեր առաջ։ Թել Ավիվում հազարավոր ցուցարարներ հավաքվել են «Պատանդների հրապարակ» կոչվող վայրում, որտեղ պատանդների ընտանիքները մեկ տարուց ավելի բողոքի ցույցեր են անցկացնում։
Հրադադարի համաձայնագրի առաջին փուլի ընթացքում, որը կտևի վեց շաբաթ, պետք է ազատ արձակվեն Համասի և նրա դաշնակիցների կողմից պահվող 33 իսրայելցի պատանդներ։ Հայտնի չէ՝ նրանք բոլորն էլ ողջ են։
ՀԱՄԱՍ-ը և նրա դաշնակիցները դեռևս պահում են 251 մարդկանցից 94-ին, որոնք գերեվարվել էին հոկտեմբերի 7-ին Իսրայելի հարավում հարձակման ժամանակ: Իսրայելի կառավարության տվյալներով՝ նրանցից առնվազն 34-ը մահացել են։ Ավելի քան 150 պատանդ արդեն վերադարձվել է։ Միաժամանակ Թել Ավիվում և Իսրայելի այլ քաղաքներում հակակառավարական ցույցեր են անցկացվել՝ պահանջելով դադարեցնել պատերազմը և Բենիամին Նեթանյահուի կառավարության հրաժարականը։ Ոստիկանությունը հայտնում է, որ Երուսաղեմում բողոքի ցույցի ժամանակ երեք մարդ է ձերբակալվել։