Իսրայելի ներքին ռազմաճակատի հրամանատարությունը հայտնում է, որ երկրի ողջ տարածքում բոլոր սահմանափակումները վերացվել են
Իսրայելի ներքին ռազմաճակատի հրամանատարությունը հայտնում է, որ երկրի ողջ տարածքում բոլոր սահմանափակումները վերացվել են։ Այս տեղեկատվությունը հաղորդում է «Սի Էն Էն»-ը։
Հանրությանը թույլատրվել է անցնել «լիարժեք ակտիվության» ռեժիմի, չնայած Ղազայի մոտակայքում գտնվող բնակավայրերում մինչև 2000 մարդու հավաքույթները դեռևս սահմանափակ կլինեն։
Բացի այդ, Իսրայելի օդանավակայանների վարչությունը հայտարարել է, որ Բեն Գուրիոնի և Հայֆայի օդանավակայանները վերադառնում են լիարժեք աշխատանքի։
«Մուտքային և մեկնող չվերթների, ինչպես նաև յուրաքանչյուր չվերթի ուղևորների թվի վերաբերյալ բոլոր սահմանափակումները վերացվել են», – ասվում է հայտարարության մեջ։