Իսրայելի իշխանությունները հայտարարել են, որ ՀԱՄԱՍ-ի երկու բարձրաստիճան մարտիկ է սպանվել Հորդանան գետի արեւմտյան ափին ավիահարվածի հետեւանքով։ Ջենին քաղաքում ավիահարված է հասցվել ավտոմեքենայի վրա։

Իսրայելի պաշտպանության բանակի և անվտանգության ծառայության տվյալներով՝ զոհվածները Հորդանան գետի հյուսիսային մասի բնակիչներ են՝ Ահմեդ Աբու Արան և Ռաֆեթ Դավասը։

Ըստ իսրայելական իշխանությունների՝ նրանք երկուսն էլ մասնակցել են անցյալ շաբաթ տեղի ունեցած հարձակմանը, որի հետևանքով զոհվել է Իսրայելի քաղաքացի։

Հրապարակված հայտարարության մեջ ՀԱՄԱՍ-ի ռազմական թեւը՝ Ալ-Քասամ բրիգադները, հաստատում են Ջենինում ավիահարվածի հետևանքով իր երկու զինյալների մահը։

Նույն օրը, խումբը հայտարարեց, որ Հորդանան գետի արևմտյան ափին տեղակայված մարտիկները Մեհոլա բնակավայրի մոտ սպանել են իսրայելցի զինվորի և ապահով վերադարձել իրենց բազաները։