Իսրայելը ռմբակոծել է Թեհրանում գտնվող Իրանի պետական հեռարձակողի շենքը
Իսրայելը ռմբակոծել է Թեհրանում գտնվող Իրանի պետական հեռարձակողի շենքը։ Այս մասին հաղորդում է «Սի Էն Էն»-ը։
Սոցիալական ցանցերում տարածվում են հարձակման պահը ցույց տվող կադրեր։
Իսրայելի հարձակումը խափանել է հեռարձակումը։ Կադրում երևում է, թե ինչպես է հաղորդավարը ստիպված լքել ուղիղ եթերի ստուդիան հարվածից հետո։
Բացի այդ, լրատվամիջոցներով տարածվում են կադրեր, որոնք ցույց են տալիս թե ինչպես է այրվում հեռուստատեսության շենքը:
Ավելի վաղ Իսրայելի պաշտպանության ուժերը կոչ էին արել Իրանի պետական հեռարձակողի գտնվելու վայրի բնակիչներին տարհանվել։