Իսրայելը կրկին հարվածներ է հասցրել Իրանի Ֆորդոյի միջուկային օբյեկտին

Իսրայելական ինքնաթիռները բազմիցս հարձակումներ են գործել Իրանի Ֆորդոյի միջուկային օբյեկտի վրա։

Ֆորդոյի միջուկային օբյեկտը այն միջուկային օբյեկտներից մեկն է, որը թիրախավորվել է ԱՄՆ հրթիռային հարվածի տակ, և օգտագործվել է հակաբունկերային արկ։

Միաժամանակ, Թեհրանում նույնպես ռմբակոծվում են դիրքերը։

Ֆորդոն գտնվում է Թեհրանից մոտ 100 կիլոմետր հարավ, Ղոմ նահանգի լեռնային շրջանում։ Այն ստորգետնյա օբյեկտ է, որը, ենթադրաբար, բաղկացած է երկու հիմնական թունելներից։ Այստեղ պահվում են ցենտրիֆուգներ, որոնք օգտագործվում են ուրանի հարստացման համար։ Հասանելի տվյալների համաձայն՝ Ֆորդոյի կայանը գտնվում է 100 մետր խորության վրա։

Տեղեկատվության համար՝ հունիսի 22-ին Իսրայելի պաշտպանության բանակը ռմբակոծել է Իրանի միջուկային օբյեկտները։ ԱՄՆ նախագահ Դոնալդ Թրամփը սոցիալական ցանցերում գրել է. «Մենք շատ հաջող հարձակում ենք իրականացրել Իրանի երեք միջուկային օբյեկտների վրա, այդ թվում՝ Ֆորդոյի, Նաթանզի և Սպահանի։ Բոլոր ինքնաթիռներն այժմ դուրս են Իրանի օդային տարածքից։ Ֆորդոյի գլխավոր օբյեկտի վրա ռումբերի ամբողջական շարք է նետվել։ Բոլոր ինքնաթիռներն անվտանգ վերադառնում են տուն։ Շնորհավորում ենք մեր հիանալի ամերիկյան կործանիչներին։ Աշխարհում չկա որևէ այլ զինվորական, որը կարող է դա անել։ Հիմա խաղաղության ժամանակն է», – գրել է ԱՄՆ նախագահը։