Իսրայելը հաստատել է, որ Գազայի հատվածում հրադադարը կսկսվի հունվարի 19-ին տեղական ժամանակով ժամը 08:30-ին
Իսրայելի պաշտպանության բանակը հաստատել է, որ Գազայի հատվածում հրադադարի համաձայնագրի իրականացումը կսկսվի հունվարի 19-ին տեղական ժամանակով ժամը 08:30-ին։
Վերոնշյալ տեղեկությունը ավելի վաղ հաստատել էին Կատարում։
«Իսրայելի պաշտպանության ուժերը պատրաստ են ընդունել պատանդներին ՀԱՄԱՍ-ի գերությունից ազատվելուց հետո և աշխատում են համապատասխան ֆիզիկական և հոգեբանական աջակցություն ցուցաբերելու ուղղությամբ՝ մանրակրկիտ ուշադրություն դարձնելով յուրաքանչյուր մանրուքին», – ասվում է Իսրայելի պաշտպանության բանակի հայտարարության մեջ:
Նրանք նշել են, որ զինված ուժերը «կշարունակեն գործել»՝ ապահովելու Գազայի հատվածի մերձակայքում ապրող Իսրայելի քաղաքացիների անվտանգությունը։