Իսրայել Կաց - Ես հանձնարարել եմ Իսրայելի պաշտպանության ուժերին ոչնչացնել ահաբեկչական ենթակառուցվածքները Լիբանանի սահմանի երկայնքով գտնվող գյուղերում՝ կանխելու սպառնալիքները և «Հեզբոլլահի» վերադարձը
Իսրայելի պաշտպանության նախարար Իսրայել Կացը հայտարարում է, որ Իսրայելը սկսել է «ցամաքային մանևր» Լիբանանում։
«Վարչապետ Բենիամին Նեթանյահուի հետ միասին ես հանձնարարել եմ Իսրայելի պաշտպանության ուժերին գործել և ոչնչացնել ահաբեկչական ենթակառուցվածքները Լիբանանի սահմանի երկայնքով գտնվող շփման գյուղերում՝ կանխելու սպառնալիքները և «Հեզբոլլահի» վերադարձը», – ասել է Իսրայել Կացը։
Նա նաև ասել է, որ «Հեզբոլլահ» խմբավորման գործողությունների պատճառով հարավային Լիբանանի հազարավոր բնակիչներ չեն կարողանում վերադառնալ իրենց տները։
Բացի այդ, Իսրայել Կացը նշել է, որ խմբավորման առաջնորդ Նաիմ Կասեմը շուտով կհայտնվի դժոխքում։
«Եթե Նաիմ Կասեմը այդքան կարոտում է Հասան Նասրալահին և Ալի Խամենեիին, նա շուտով կկարողանա հանդիպել նրանց դժոխքի խորքում՝ չարիքի առանցքի բոլոր անդամների հետ միասին», – ասել է Իսրայել Կացը։
