Մենք շատ լավ տեսնում ենք, որ իշխող մեծամասնությունը փորձում է խուսափել համաներման օրինագծի ոգուց և օրինագիծը հարմարեցնել իր շահերին: Դրա դեմ մենք կօգտագործենք համապատասխան լծակներ, – այս մասին հայտարարել է «Ազգային շարժման» նախկին անդամ Սալոմե Սամադաշվիլին:

Նրա խոսքով, խորհրդարանի խոսնակ Կախա Կուճավայի հետ հանդիպման ժամանակ, քննարկվել են ընդդիմության ու իշխանությունների միջև գոյություն ունեցող տեսակետները:

«Կոնկրետ հարցը, որն այսօր գտնվում է համաձայնագրի շրջանակներում և առաջացնում է տարակարծություններ, դա  համաներման օրինագիծն է: Այդ պատճառով, մենք խորհրդարանի նախագահի հետ մանրամասն քննարկեցինք համաներման օրինագծի վերաբերյալ ընդդիմության և իշխանությունների տեսակետների տարբերությունները: Մեր ցանկությունն ու ջանքերն ուղղվելու են օրինագծի շուրջ վերջնական համաձայնեցմանը, որը հիմնված կլինի կոնսենսուսի վրա: Ներկայումս մենք շատ լավ տեսնում ենք, որ իշխող մեծամասնությունը փորձում է խուսափել համաներման օրինագծի շուրջ համաձայնության ոգուց և այս նախագիծը հարմարեցնել իր սեփական շահերին կամ իր քաղաքական օրակարգին: Մենք դրա դեմ կօգտագործենք համապատասխան լծակները, ինչպես խորհրդարանում, այնպես էլ մեր միջազգային գործընկերների հետ համապատասխան հաղորդակցության միջոցով», – հայտարարել է Սալոմե Սամադաշվիլին:

Նրա խոսքով, հանդիպմանը քննարկվել է նաև ընտրական օրենսդրությունը:

«Մենք խոսեցինք համաներման օրինագծի հետ կապված բոլոր խնդիրների մասին, սակայն խոսեցինք նաև ընտրությունների մասին: Բոլորն էլ հասկանում են, որ ընտրական օրենսդրության փոփոխությունները, որոնք ընդունվելու են առաջիկայում, պետք է վայելվեն ինչպես իշխանությունների, այնպես էլ ընդդիմության լիակատար վստահությունը: Հակառակ դեպքում, տեղական ինքնակառավարման մարմինների ընտրությունների համար մենք չենք կարողանա հասնել հիմնական լուծմանը, փոխել ընտրական միջավայրը այնպես, որ բոլորը ՝ լինի ընդդիմություն, թե իշխանություն, վստահեն ընտրություններին: Դա կհանգեցնի երկրում հերթական և, հնարավոր է, ավելի խորը քաղաքական ճգնաժամի շարունակմանը: Մի կողմից մենք խոսեցինք կառուցողական հարցերի մասին, բայց նաև խոսեցինք շատ խնդրահարույց հարցերի մասին, որոնք պետք է լուծվեն մոտ ապագայում, եթե ցանկանում ենք, որ Միշելի փաստաթղթի իրագործումը իսկական հաջողություն ունենա և առաջ շարժվի», – ասել է Սալոմե Սամադաշվիլին:

Սալոմե Սամադաշվիլին հույս հայտնեց, որ Կախա Կուճավան իր որոշումներում հաշվի կառնի ընդդիմության տեսակետները:

«Նա լսեց մեր դիրքորոշումը: Մենք, ամեն դեպքում, հուսով ենք, որ նորընտիր խորհրդարանի նախագահը, ով նույնպես ընտրվեց Միշելի համաձայնագիրը խթանելու ոգով, իր որոշումներում հաշվի կառնի ընդդիմության տեսակետները»: հայտարարել է Սամադաշվիլին: