Ներքին գործերի նախարարության Իմերեթիի ոստիկանության դեպարտամենտի Քութայիսի քաղաքային բաժնի աշխատակիցները ձեռնարկված օպերատիվ-հետախուզական միջոցառումների արդյունքում թմրանյութերի ապօրինի շրջանառության փաստով ձերբակալել են Հնդկաստանի Հանրապետության քաղաքացի Տ.Տ.-ին: Այս մասին հայտնում է Ներքին գործերի նախարարությունը:

ՆԳ նախարարության աշխատակիցները, դատավորի որոշման հիման վրա, իրականացրել են մի շարք գաղտնի քննչական գործողություններ, որոնց արդյունքում պարզվել է, որ մեղադրյալը թմրանյութեր է վաճառել: Ոստիկանությունը Տ.Տ.-ից թմրանյութերի մի քանի վերահսկվող գնումներ է կատարել և գաղտնի կերպով գրանցել վերոնշյալ գնումները:

Իրավապահ մարմինների աշխատակիցները որպես ապացույց առգրավել են «մարիխուանա» թմրամիջոցը:

Քննությունը շարունակվում է Վրաստանի քրեական օրենսգրքի 260-րդ հոդվածի երրորդ մասի 1-ին և 273-րդ հոդվածի առաջին մասի 2-րդ կետերով:

Հանցագործությունը պատժվում է մինչև 10 տարի ազատազրկմամբ: