Իրանի խորհրդարանի խոսնակը դիմում է Ջ. Դ. Վենսին. «Չի կարելի պարզապես հեռանալ բանակցային սեղանից. շեֆը պատերազմի նոր փուլ է նախապատրաստում, իսկ Ամերիկան՝ իր «Իսրայելը՝ նախ և առաջ» քաղաքականությամբ, կանգնած է անդունդի եզրին։ Ինչո՞ւ այս մասին չեք ասում ձեր շեֆին»

Իրանի խորհրդարանի խոսնակ Մոհամադ Բաղեր Ղալիբաֆը ԱՄՆ փոխնախագահ Ջեյ Դի Վենսին կոչ է արել սոցիալական ցանցերում գրառումներ կատարելու փոխարեն ուղղակիորեն խոսել Դոնալդ Թրամփի հետ, ով պատրաստվում է Իրանի դեմ պատերազմի նոր փուլի։

«Սա պարտվող խաղացողի տրամադրություն է։ Չի կարելի պարզապես վեր կենալ ու հեռանալ խաղասեղանի շուրջից։ Ձեր ղեկավարը պատրաստվում է պատերազմի նոր փուլի, իսկ «Իսրայելն առաջին հերթին» (Israel-First) քաղաքականությանը հետևող Ամերիկան ​​կանգնած է անդունդի եզրին։ Դադարեցրեք այդ «TED Talk»-ի ոճով ելույթները։ Ինչո՞ւ այդ մասին չեք ասում ձեր ղեկավարին»,- գրել է Ղալիբաֆը։

Հիշեցնենք, որ ԱՄՆ փոխնախագահ Ջեյ Դի Վենսը սոցիալական ցանցերում գրել էր, թե Իրանի հետ պատերազմն է եղել ընտրություններում հանրապետականների պարտության պատճառը։

Ավելի ուշ ԱՄՆ նախագահ Դոնալդ Թրամփը նույնպես հայտարարել է, որ Իրանի հետ պատերազմը, հավանաբար, ազդել է միջանկյալ ընտրություններում Հանրապետական ​​կուսակցության պարտության վրա՝ միաժամանակ նշելով, որ նույն իրավիճակում կրկին նույն որոշումը կկայացներ։