Իրանի պետական ​​լրատվամիջոցները հաղորդում են Միացյալ Նահանգների հետ կնքված փոխըմբռնման հուշագրի 14 կետերի մասին։

Մասնավորապես, դրանք են՝ մշտական ​​​​հրադադար բոլոր ճակատներում, այդ թվում՝ Լիբանանում, Միացյալ Նահանգների կողմից Իրանի ներքին գործերին չմիջամտելու պարտավորություն, ԱՄՆ-ի կողմից ծովային շրջափակման վերացում 30 օրվա ընթացքում, ԱՄՆ ռազմական ուժերի դուրսբերում Իրանից, Հորմուզի նեղուցի վերաբացումը 30 օրվա ընթացքում՝ «իրանական համաձայնագրերին համապատասխան»։ ԱՄՆ-ի և նրա դաշնակիցների կողմից Իրանի վերակառուցման ծրագրի ներկայացում՝ առնվազն 300 միլիարդ դոլար արժողությամբ, Իրանի նավթային և էներգետիկ ոլորտների նկատմամբ պատժամիջոցների վերացում և Իրանի կողմից միջուկային զենք չմշակելու իր պարտավորության վերահաստատում։ ԱՄՆ-ի կողմից տարածաշրջանում իր ռազմական ներկայությունը չմեծացնելու և նոր պատժամիջոցներ չկիրառելու պարտավորության ստանձնում, վերջնական բանակցությունները չեն սկսվի մինչև Իրանի սառեցված ակտիվների մի մասը չազատվի, Իրանի նավթի նկատմամբ պատժամիջոցների ժամանակավոր դադարեցում և ծովային շրջափակման վերացում՝ որպես բանակցությունների նախապայման։

Բացի այդ, գործակալության տվյալներով՝ վերջնական համաձայնագիրը պետք է հաստատվի ՄԱԿ-ի Անվտանգության խորհրդի բանաձևով։