Իրանի արտգործնախարարն ասել է, որ Իրանը մոտ օրերս կպատասխանի Դոնալդ Թրամփի նամակին
Իրանը առաջիկա օրերին կպատասխանի ԱՄՆ նախագահ Դոնալդ Թրամփի նամակին, հայտարարել է Իրանի արտգործնախարար Աբբաս Արաղչին։
Իրանի արտգործնախարարն ասում է, որ Թեհրանը ճնշումների և սպառնալիքների ներքո հրաժարվում է ուղիղ բանակցություններ վարել Վաշինգտոնի հետ։
Աբբաս Արաղչիի խոսքով՝ Իրանը միջուկային գործարքը վերականգնելու համար անուղղակի բանակցություններ է վարել եվրոպական երեք երկրների՝ Մեծ Բրիտանիայի, Գերմանիայի և Ֆրանսիայի հետ, Իրանը բանակցություններ է վարում նաև Ռուսաստանի և Չինաստանի հետ։
«Քանի դեռ վտանգ կա, մեր քաղաքականությունը ոչ թե ուղղակի բանակցությունների մեջ մտնելն է, այլ անուղղակի բանակցությունները շարունակելը»,- ասել է Աբբաս Արաղչին։
ԱՄՆ նախագահ Դոնալդ Թրամփը նամակ է հղել Իրանի գերագույն առաջնորդ Այաթոլլա Ալի Խամենեիին՝ հույս հայտնելով, որ Իրանը կհամաձայնի բանակցել միջուկային գործարքի շուրջ։