Լավ կլինի, որ հրապարակվեն ԱՄՆ դեսպանատան երեկվա միջադեպի կադրերը, ինչի շուրջ երկու կողմերն էլ համաձայն են, ասել է խորհրդարանական մեծամասնության անդամ Իրակլի Զարքուան։

Ըստ նրա՝ ամերիկյան դեսպանատանը տեղի ունեցածը նախապես ծրագրված գործողություն ու սադրանք էր։

«Անրի Օխանաշվիլին սադրանքի է ենթարկվել, իսկ հանցագործությունը կատարել է Վատո Ծերեթելին, երբ նա վիրավորել է մանդատով ընտրված անձին։ Հրաշալի կլինի, որ կադրերը հրապարակվեն, ինչին երկու կողմերն էլ համաձայն են: Երբ սադրանքը տեղի ունեցավ, Անրի Օխանաշվիլին առաջին փուլում զուսպ էր։ Այնուհետ Օխանաշվիլին եկել է Ծերեթելիի մոտ և հարցրել, թե ինչու է հայհոյել ու վիրավորել իրեն, ինչին նա պատասխանել է՝ հայհոյելով ու հարվածելով։ Այնուհետեւ Ծերեթելին բաժակ է նետել Լեւան Մգալոբլիշվիլիի վրա։ Այս ամենն անարժան և անընդունելի պահվածք է»,- ասել է Իրակլի Զարքուան։