Վրաստանի վարչապետ Իրակլի Կոբախիձեն, Եվրոպական խորհրդի նախագահ Անտոնիո Կոշտայի հրավերով, Ալբանիայի մայրաքաղաք Տիրանայում մասնակցում է Եվրոպական քաղաքական միության (EPC) գագաթնաժողովին։

Գագաթնաժողովի մասնակից առաջնորդներին հյուրընկալում է Ալբանիայի վարչապետ Էդի Ռաման։ Ինչպես նշել է Վրաստանի վարչապետը, Եվրոպական քաղաքական համայնքի գագաթնաժողովում նա կխոսի հիմնական ուղերձների մասին, որոնք առնչվում են երկրի հիմնարար ազգային շահերին։

«Գագաթնաժողովին ներկա կլինեն Եվրոպայից բոլոր երկրների առաջնորդները։ Ես հնարավորություն կունենամ ելույթ ունենալ կլոր սեղանի ձևաչափով։ Այս ձևաչափը կօգտագործենք նաև այլ երկրների առաջնորդների հետ զրույցի համար։ Բնականաբար, կխոսենք մեր երկրի հիմնական ուղերձների մասին, որոնք վերաբերում են մեր հիմնարար ազգային շահերին», – հայտարարել է Իրակլի Կոբախիձեն։

Կառավարության ղեկավարն ներկա է եղել EPC-ի վեցերորդ համաժողովի բացման նստաշրջանին, որից հետո մասնակից առաջնորդները միասնական լուսանկար են արել։ Եվրոպական քաղաքական համայնքի վեցերորդ գագաթնաժողովին մասնակցում են շուրջ 50 երկրի առաջնորդներ, ինչպես նաև եվրոպական և միջազգային հաստատությունների ղեկավարներ։

Վրաստանի վարչապետը գագաթնաժողովին մասնակցում է իր պատվիրակության հետ, որի կազմում են արտաքին գործերի նախարար Մակա Բոճորիշվիլին և կառավարության վարչակազմի ղեկավար Լևան Ժորժոլիանին։

Տեղեկատվությունը տարածում է Վրաստանի կառավարությունը։