«Վրացական երազանք» կուսակցության նախագահ, վարչապետ Իրակլի Կոբախիձեն գտնվում էր Ծալենջիխայում՝ «Վրացական երազանք» կուսակցության ընտրական շտաբում, որտեղ հանդիպել է քաղաքապետի թեկնածու Գուբա Սաժայիային, կուսակցության ակտիվին և աջակիցներին։

«Վրացական երազանքի» մամուլի ծառայության տեղեկացմամբ, Իրակլի Կոբախիձեն կուսակցության անդամների հետ միասին քննարկել է տեղական ինքնակառավարման ընտրությունների նախապատրաստական աշխատանքները և նախընտրական մթնոլորտը։ Քննարկվել են ինչպես երկրում ընթացող քաղաքական գործընթացները, այնպես էլ մունիցիպալիտետի առջև կանգնած խնդիրներն ու տեղական բնակչության կարիքները։

Ինչպես նշել է «Վրացական երազանքի» նախագահը, կարևոր է, որ «Վրացական երազանքը» Ծալենջիխայում ստանա վստահ հաղթանակ, քանի որ սա այն միակ մունիցիպալիտետն է, որտեղ անցած տեղական ընտրություններում հաղթել էր ընդդիմության թեկնածուն։