Իրակլի Կոբախիձեն շնորհավորում է հրշեջ-փրկարարներին մասնագիտական օրվա կապակցությամբ. Մեզանից յուրաքանչյուրը գնահատում է ձեր հերոսական աշխատանքը՝ քաղաքացիների կյանքն ու անվտանգությունը պաշտպանելու համար
Վրաստանի վարչապետ Իրակլի Կոբախիձեն շնորհավորում է հրշեջ-փրկարարներին մասնագիտական օրվա կապակցությամբ։
Ըստ Իրակլի Կոբախիձեի, հրշեջներն ունեն շատ բարդ առաքելություն, որը պահանջում է մեծ նվիրվածություն։
«Թանկագին հրշեջ-փրկարարներ, սրտանց շնորհավորում եմ ձեզ մասնագիտական օրվա կապակցությամբ։ Դուք ստանձնել եք մեր հասարակական կյանքի ամենապատվավոր և, միևնույն ժամանակ, ամենաբարդ առաքելություններից մեկը, որը պահանջում է մեծ նվիրվածություն՝ զուգորդված պրոֆեսիոնալիզմի հետ։ Մեզանից յուրաքանչյուրը բարձր է գնահատում ձեր ամենօրյա աշխատանքը, որը հավասարազոր է հերոսության՝ քաղաքացիների կյանքն ու անվտանգությունը պաշտպանելու համար։ Մենք շնորհակալություն ենք հայտնում երկրին և հասարակությանը ձեր հավատարիմ ծառայության համար։ Մաղթում եմ ձեզ առողջություն, ուժ և խաղաղ ծառայություն», – ասվում է վարչապետի շնորհավորական ուղերձում։
