Իրակլի Կոբախիձեն կհանդիպի Վիկտոր Օրբանին
Վրաստանի վարչապետ Իրակլի Կոբախիձեն Հունգարիայում կհանդիպի վարչապետ Վիկտոր Օրբանին։
Ինչպես հայտնում է Վրաստանի վարչապետի մամուլի ծառայությունը, կառավարության ղեկավարը վրացական պատվիրակության հետ մեկնել է Բուդապեշտ։
Նրանց տվյալներով՝ Իրակլի Կոբախիձեն կմասնակցի «Պահպանողական քաղաքական գործողություն» համաժողովին, որը կբացվի ապրիլի 25-ին։ Բացի այդ, նախատեսվում է Վրաստանի վարչապետի ելույթը համաժողովի բացման նիստում։
Վարչապետ Իրակլի Կոբախիձեի գլխավորած վրացական պատվիրակության կազմում են արտաքին գործերի նախարար Իլիա Դարչիաշվիլին և կառավարության վարչակազմի ղեկավար Լևան Ժորժոլիանին։