Իրակլի Կոբախիձեն հանդիպել է մարզերում պետական լիազորների և մունիցիպալիտետների քաղաքապետերի հետ
Վրաստանի վարչապետ Իրակլի Կոբախիձեն հանդիպել է մարզերում պետական լիազորների և մունիցիպալիտետների քաղաքապետերի հետ։ Կառավարության ղեկավարը խոսել է կատարված կադրային փոփոխությունների մասին և պետական լիազորներին և մունիցիպալիտետների քաղաքապետերին ներկայացրել մարզերի հետ կապերի վարչության պետ Նիկոլոզ Տղեմալաձեին և Շիդա Քարթլիի պետական լիազոր Լևան Խարաբաձեին։
Հանդիպմանը քննարկվել են մարզերում իրականացվող և նախատեսվող ծրագրերը, քննարկվել են առանձին մունիցիպալիտետների կարիքները: Վարչապետը պետական լիազորներին և մունիցիպալիտետների քաղաքապետերին խոստացել է լիակատար աջակցություն՝ ընթացիկ և իրականացվելիք ծրագրերի ուղղությամբ։
Մարզպետներն ու քաղաքապետերը կառավարության ղեկավարից ստացել են կոնկրետ հանձնարարություններ։
Տեղեկությունը տարածում է Վրաստանի վարչապետի մամուլի ծառայությունը։