Իրակլի Կոբախիձեն հանդիպել է ՀՀ գլխավոր դատախազ Աննա Վարդապետյանի հետ
Վրաստանի վարչապետ Իրակլի Կոբախիձեն հանդիպել է ՀՀ գլխավոր դատախազ Աննա Վարդապետյանի հետ։
Կառավարության աշխատակազմի մամուլի ծառայության հաղորդմամբ՝ հանդիպմանը քննարկվել են Վրաստանի և Հայաստանի միջև ռազմավարական գործընկերությունը և տարբեր ոլորտներում արդյունավետ համագործակցությունը։
«Շեշտադրվել է Հայաստանի և Վրաստանի միջև իրավական ոլորտում համագործակցության և համատեղ ջանքերի կարևորությունը, այդ թվում՝ միջազգային կազմակերպված հանցավորության դեմ արդյունավետ պայքարում։
Զրույցի ընթացքում անդրադարձ է եղել երկկողմ բարձր մակարդակի այցելությունների դինամիկային և նշվել է, որ կանոնավոր երկխոսությունը նպաստում է հարաբերությունների հետագա խորացմանը։
Հանդիպմանը մասնակցել են Վրաստանի գլխավոր դատախազ Գիորգի Գվարակիձեն և կառավարության աշխատակազմի ղեկավար Լևան Ժորժոլիանին», – հաղորդում է կառավարության աշխատակազմի մամուլի ծառայությունը։