Վրաստանի վարչապետ Իրակլի Կոբախիձեն հանդիպել է Հայաստանի Հանրապետության նախագահ Վահագն Խաչատրյանի հետ։ Տեղեկությունը տարածում է Վրաստանի կառավարության վարչակազմի մամուլի ծառայությունը։
«Հանդիպման ընթացքում ընդգծվել է տարբեր ոլորտներում երկու երկրների արդյունավետ համագործակցությունը և երկարաժամկետ բարիդրացիական հարաբերությունները։
Նշվեց, որ ռազմավարական գործընկերության մասին համաձայնագիրը երկկողմ հարաբերությունները տեղափոխեց որակապես այլ մակարդակ։
Ընդգծվել է տարբեր ոլորտներում կապերի հետագա խորացման ներուժը և դրա լիարժեք օգտագործման կարևորությունը։
Հանդիպմանը ուշադրություն է դարձվել տարածաշրջանում ընթացող գործընթացներին։
Վարչապետը ևս մեկ անգամ հաստատել է Վրաստանի ամուր աջակցությունը Հարավային Կովկասում խաղաղությանն ու կայունությանը։
Ընդլայնված ձևաչափով հանդիպմանը մասնակցել են երկու երկրների կառավարության անդամները»,- ասվում է կառավարության մամուլի ծառայության հաղորդագրության մեջ։