Վրաստանի վարչապետ Իրակլի Կոբախիձեն հանդիպել է Բելառուսի Հանրապետության արտակարգ և լիազոր դեսպան Նիկոլայ Ռոգաշչուկի հետ։

Ներածական հանդիպմանը քննարկվել են Վրաստանի և Բելառուսի միջև առկա հարաբերությունները, ինչպես նաև տարբեր ոլորտներում, այդ թվում՝ առևտրի, տնտեսության և գյուղատնտեսության ոլորտում համագործակցության զարգացման դրական դինամիկան և ապագա հեռանկարները։

Դեսպանը վարչապետին է հանձնել Բելառուսի Հանրապետության նախագահի շնորհավորական նամակը՝ տեղական ինքնակառավարման մարմինների ընտրությունների հաջող անցկացման կապակցությամբ։

Վարչապետը շնորհակալություն է հայտնել դեսպանին Վրաստանի ինքնիշխանության և տարածքային ամբողջականության նկատմամբ Բելառուսի աջակցության համար, շնորհավորել է նրան Վրաստանում դիվանագիտական ​​առաքելությունը սկսելու կապակցությամբ և մաղթել հաջողություններ։

Տեղեկատվությունը տարածել է Վրաստանի կառավարության աշխատակազմի մամուլի ծառայությունը։