Իրակլի Կոբախիձեն համարում է, որ Դավիթ Գարեջիի հարցով դեսպան Գիգի Գիգիաձեի հայտարարությամբ կոպտորեն խախտվել են դիվանագիտական գործունեության չափանիշները
Խորհրդարանական մեծամասնության անդամ Իրակլի Կոբախիձեն արձագանքում է Դավիթ Գարեջիի հարցով ձերբակալված Իվերի Մելաշվիլու վերաբերյալ Դանիայում Վրաստանի դեսպան Գիգի Գիգիաձեի հայտարարությանը և համարում, որ կոպտորեն խախտվել են դիվանագիտական գործունեության չափանիշները, երբ հայտարարություն է արվել առանց փաստերը վերստուգելու և արտաքին գործերի նախարարության ղեկավարության հետ հաղորդակցության:
Դանիայում Վրաստանի դեսպան Գիգի Գիգիաձեն Դավիթ Գարեջիի գործով ձերբակալված, Վրաստան-Ադրբեջան սահմանազատման-սահմանագծման հանձնաժողովի անդամ Իվերի Մելաշվիլու հայտնել է աջակցություն:
«Երբ դեսպանը հանդես է գալիս նման հայտարարությամբ, առնվազն պետք է նրա կողմից փաստերը լինեն վերստուգված և երկրորդ՝ հաղորդակցություն պետք է կայանա արտաքին գործերի նախարարության ղեկավարության հետ: Այս ամենը, ինչպես գիտենք, չի արվել: Այստեղից ելնելով, կոպիտ կերպով խախտվել են դիվանագիտական գործունեության չափանիշները: Սա արտաքին գործերի նախարարության գործն է, որն ունի իր դիվանագիտական գործունեության չափանիշները և առաջնորդվում են այդ չափանիշներով»,- նշել է Իրակլի Կոբախիձեն:
Դավիթ Գարեջիի գործով դատախազությունը դատախազությունը երեկ ձերբակալել էր արտաքին գործերի նախարարության աշխատակից Իվերի Մելաշվիլուն և ՆԳՆ աշխատակից Նատալիա Իլիչովային: