Կարևոր է նվազեցնել քաղաքական ուժերի միջև արմատական ​​առճակատումը և մի տեսակ մորատորիում հայտարարել ագրեսիվ հռետորաբանության նկատմամբ,- ասել է «Վրացական երազանք» կուսակցության նախագահ Իրակլի Կոբախիձեն։

Ինչպես նշել է Կոբախիձեն, իշխող թիմը կապահովի Եվրամիության կողմից սահմանված 12 կետերի կատարումը համապատասխան ժամանակում և համապատասխան որակով։

«Ուզում եմ հիշեցնել, որ նշված կետերի մեծ մասը ասոցացման օրակարգի մի մասն է, որը համաձայնեցվել է Վրաստանի եւ Եվրամիության միջեւ։ Իշխող թիմը կապահովի, որպեսզի Եվրոպական միության կողմից սահմանված 12 կետերը կատարվեն սահմանված ժամկետում և համապատասխան որակով` համաձայն հետևյալ պլանի.

Առաջին կետը քաղաքական բևեռացումը նվազեցնելն է։ Այս առաջին կետը պետք է դիտարկել որպես յուրօրինակ հիմք մնացած 11 կետերի արդյունավետ իրականացման համար։ Քաղաքական բևեռացումը մեր երկրի գլխավոր մարտահրավերներից է, որի ներքո քաղաքական քննարկումը հասարակության համար կարևոր հարցերի փոխարեն կատարվում է երկրորդական թեմաներ շուրջ, որոնք նեղ քաղաքական կշիռ ունեն տարբեր քաղաքական սուբյեկտների համար։ Այս իրավիճակը փոխելու համար կարևոր է նվազեցնել քաղաքական ուժերի միջև արմատական ​​առճակատումը և ագրեսիվ հռետորաբանության մի տեսակ մորատորիում հայտարարել։

Մենք լիովին գիտակցում ենք այս հարցում մեր պատասխանատվությունը, նմանապես, ընդդիմությունը առաջիկա վեց ամիսների ընթացքում պետք է զերծ մնա նման հռետորաբանությունից, որը ենթադրում է իշխանության ներքին ու արտաքին լեգիտիմության չճանաչում։ Նույնը վերաբերում է ԶԼՄ-ներին, որոնք, ըստ ԵԱՀԿ/ԺՀՄԻԳ-ի եզրակացության, հանդիսանում են Վրաստանում քաղաքական բևեռացման հիմնական աղբյուրներից մեկը, ինչպես նաև հասարակական կազմակերպություններին, որոնց մի զգալի մասն ուղղակիորեն ներգրավված է այս բևեռացված քարոզարշավում», – ասել է Կոբախիձեն։