ԵԱՀԿ «Մոսկվայի մեխանիզմ» փաստաթուղթը կազմվել է այն չար, նեղ քաղաքական շահերի թելադրանքով, որոնք հիմք են հանդիսացել Վրաստանի դեմ այսպես կոչված Մոսկվայի մեխանիզմի ստեղծման համար,- այս մասին կառավարության աշխատակազմում կայացած ճեպազրույցի ժամանակ հայտարարել է Վրաստանի վարչապետ Իրակլի Կոբախիձեն։

Կառավարության ղեկավարի խոսքով՝ ուշագրավ է նաև, որ զեկույցի լեհ հեղինակը թաքցրել է շահերի բախումը, որը դրսևորվել է Լեհաստանի կառավարության հետ իր անմիջական կապի մեջ։

«Հետևաբար, զարմանալի չէ, որ զեկույցը չի համապատասխանում նույնիսկ օբյեկտիվության նվազագույն չափանիշներին և, համապատասխանաբար, չի արտացոլում Վրաստանում տեղի ունեցող իրադարձությունների օբյեկտիվ վերլուծությունը։ Հեղինակն ինքը նշում է, որ ժամանակի սղության պատճառով փաստաթուղթը խորություն չունի։ Սա, թերևս, զեկույցի միակ ընդհանուր եզրակացությունն է, որի հետ մենք կարող ենք լիովին համաձայնվել։ Դժբախտաբար, զեկույցի հեղինակը նույնիսկ չի պարզել, թե մեր երկիրը կոչվում է «Վրաստանի Հանրապետություն», թե՞ «Վրաստան»,- ասել է վարչապետը։