Իրակլի Կոբախիձե. Եվրախորհրդարանի պատգամավորների հետ պարզաբանել ենք, թե ինչ նկատի ունեինք Հարցելի բացասական դեր ասելով, սա փաստ է, և մենք կարող ենք մանրամասն տեղեկատվություն տրամադրել մեր բարեկամներին
Եվրոպացի խորհրդարանականների հետ հանդիպմանը մենք անդրադարձանք նաև դեսպանի հարցին և բացատրեցինք, թե ինչ նկատի ունեինք՝ ասելով, որ Կառլ Հարցելը միայն բացասական դեր է խաղացել Եվրամիության և Վրաստանի զարգացած հարաբերություններում։ Սա փաստ է, և մենք կարող ենք մեր ընկերներին մանրամասն տեղեկատվություն տրամադրել դրա մասին,- ասել է «Վրացական երազանք» կուսակցության նախագահ Իրակլի Կոբախիձեն։
Կոբախիձեի խոսքով՝ «Վրացական երազանքի» ներկայացուցիչները եւս մեկ անգամ հույս են հայտնել, որ ապագա դեսպանն այլ կերպ կվարվի։
«Այսօրվա հանդիպումը գործնականում բոլոր կարեւոր հարցերի շուրջ էր։ Իհարկե, եղել է կարծիքների փոխանակում, այդ թվում՝ հարցեր ինչպես մեր կողմից, այնպես էլ նրանց կողմից։ Իհարկե, մենք շատ կոնկրետ շոշափեցինք դեսպանի հարցը և բացատրեցինք, թե ինչ նկատի ունեինք՝ ասելով, որ Կառլ Հարցելը միայն բացասական դեր է ունեցել Եվրամիության և Վրաստանի զարգացած հարաբերություններում։ Սա փաստ է, և մենք կարող ենք մեր ընկերներին մանրամասն տեղեկատվություն տրամադրել դրա մասին։
Մենք ձեռնպահ ենք մնում հրապարակավ այդ մասին խոսելուց, բայց, իհարկե, կարող ենք մեր ընկերների, եվրոպացի պատգամավորների հետ կիսվել մանրամասն տեղեկություններով, թե ինչ բացասական դեր է խաղացել նախկին դեսպանը Եվրամիության հետ Վրաստանի հարաբերություններում։ Մենք ևս մեկ անգամ հույս հայտնեցինք, որ ապագա դեսպանն այլ կերպ կվարվի»,- ասել է Իրակլի Կոբախիձեն։
