Երբ Թեա Ծուլուկիանին խոսում է այն մասին, որ հնարավոր էր խուսափել պատերազմից մեր երկրի համար, և մեր հերոսները կարող էին այսօր լինել կենդանի ու հոգ տանել իրենց ընտանիքների մասին, սա պարզապես փաստի արձանագրություն է, – այս մասին հայտարարել է Վրաստանի վարչապետ Իրակլի Կոբախիձեն Անթալիայում լրագրողների հետ զրույցում։

Նրա խոսքով՝ բոլորը գիտեն, որ ոչ միայն հնարավոր էր խուսափել այդ պատերազմից, այլ հենց Սաակաշվիլիի ռեժիմն է սկսել այն, ինչը հետագայում նաև ընդունեցին։

«Իրականում, տիկին Թեան արեց շատ հստակ հայտարարություն։ Բոլորս շատ լավ գիտենք, որ այդ պատերազմից ոչ միայն հնարավոր էր խուսափել, այլ այդ պատերազմը սկսել է Սաակաշվիլիի ռեժիմը, ինչը հետագայում իրենք էլ ստորագրեցին, իրենք էլ ընդունեցին։ Համապատասխանաբար, երբ Թեա Ծուլուկիանը խոսում է, որ հնարավոր էր այդ պատերազմից խուսափել մեր երկրի համար, հնարավոր էր, որ մեր հերոսները այսօր լինեին կենդանի և հոգ տանեին իրենց ընտանիքների մասին, սա պարզապես փաստի արձանագրում է, սա այն օբյեկտիվ իրականության արձանագրումն է, որի հետ գործ ունենք։ Եթե չլիներ այն պատվերը, որը ստացել և իրականացրել էր Սաակաշվիլիի ռեժիմը, բնականաբար, չէր լինի ո՛չ պատերազմ, ո՛չ զոհեր։ Հենց այս հարցի վրա է կենտրոնացրել ուշադրությունը Թեա Ծուլուկիանը։ Ամեն ինչ բացարձակապես պարզ և հստակ է», – հայտարարել է Իրակլի Կոբախիձեն։