Այսօր պատմական օր է վրացական սպորտի համար: Խաղաղության օլիմպիական կրակի վառումը Բակուրիանիում ևս մեկ անգամ հաստատում է, որ մեզ բոլորիս՝ եվրոպական 45 երկրներում, միավորում է մեկ ընդհանուր նպատակ՝ ապրել առողջ, միասնական և խաղաղ Եվրոպայում,- ասել է Վրաստանի վարչապետ Իրակլի Կոբախիձեն՝ ելույթ ունենալով Եվրոպական ձմեռային պատանեկան օլիմպիական փառատոնի բացման արարողության ժամանակ։

Վարչապետի խոսքով՝ Վրաստանը կատարել է իր խոստումները և աշխարհի քարտեզի վրա հաստատվել որպես ձմեռային մարզաձևերի համար գրավիչ երկիր։

«Այսօր պատմական օր է վրացական սպորտի համար: Խաղաղության օլիմպիական կրակի վառումը Բակուրիանիում ևս մեկ անգամ հաստատում է, որ մեզ բոլորիս՝ եվրոպական 45 երկրներում, միավորում է մեկ ընդհանուր նպատակ՝ ապրել առողջ, միասնական և խաղաղ Եվրոպայում։

Վրաստանը կատարեց իր խոստումները և աշխարհի քարտեզի վրա հաստատվեց որպես ձմեռային մարզաձևերի համար գրավիչ երկիր։ Փառատոնը, որին մասնակցում են մինչև 1000 մարզիկներ և ավելի քան 700 պաշտոնյաներ 45 երկրներից, դրա վառ ապացույցն է: Սրանով մենք միացանք եվրոպական յոթ երկրներին, որոնք հյուրընկալել են և՛ ամառային, և՛ ձմեռային օլիմպիական փառատոնները։

Փառատոնից երկրին հնարավորինս շատ ժառանգություն թողնելը Եվրոպական օլիմպիական կոմիտեների տեսլականն է, որը լիովին համահունչ է մեր տեսլականին։ Այդ իսկ պատճառով փառատոնն անցկացվում է երեք վայրերում՝ Բակուրիանիում, Բաթումում և Թբիլիսիում: Հատկապես հատկանշական է, որ Բաթումին և Թբիլիսին առաջին անգամ են անցկացնում նման խոշոր մրցույթ՝ դրանով իսկ նորովի ներկայանալով աշխարհին»,- ասել է վարչապետը։