«Սեպտեմբերի 27-ը Վրաստանի նորագույն պատմության ամենաողբերգական օրերից մեկն է», -հայտարարել է Վրաստանի վարչապետ Իրակլի Կոբախիձեն՝ Վրաստանի միասնության համար մղվող պայքարում զոհված հերոսների հուշահամալիրում։

Կառավարության ղեկավարը մայրաքաղաքի քաղաքապետ Կախա Կալաձեի, խորհրդարանի նախագահ Շալվա Պապուաշվիլիի և կառավարության անդամների հետ՝ Սուխումիի անկման 31-րդ տարելիցի կապակցությամբ, ծաղկեպսակով զարդարել է հուշահամալիրը և հարգանքի տուրք մատուցել զոհվածների հիշատակին։

«Սեպտեմբերի 27-ը Վրաստանի նորագույն պատմության ամենաողբերգական օրերից մեկն է։ Այսօր մենք հարգելու ենք մեր հերոսներին, ովքեր իրենց զոհաբերել են հանուն երկրի, հայրենիքի և միասնական Վրաստանի գաղափարի։ Այս հերոսները երազանք ունեին, դա միասնական Վրաստանի երազանքն էր, և ես վստահ եմ, որ այդ երազանքն անպայման կիրականանա»,- ասել է Իրակլի Կոբախիձեն։