Իրակլի Կոբախիձե. Պայմանագրի խզումը «Էնկայի» որոշումն է, Վրաստանի իշխանությունը կանի հնարավորը՝ էներգետիկայի ոլորտում ներդրումները շարունակելու համար
«Վրացական երազանք» կուսակցության նախագահ Իրակլի Կոբախիձեն ասում է, որ «Էնկայի» կողմից պայմանագրի խզումը ընկերության կողմից ձեռնարկված քայլ էր:
Իրակլի Կոբախիձեի խոսքով, Վրաստանի իշխանությունը կանի հնարավորը՝ էներգետիկայի ոլորտում ներդրումները շարունակելու համար:
«Դա ընկերության կողմից ձեռնարկված քայլ էր: Ընդհանուր առմամբ, դուք գիտեք, որ էներգետիկ անկախության ապահովումը մեր առաջնահերթություններից է ոչ միայն տնտեսական, այլև քաղաքական և անվտանգության առումով: Հետեւաբար, սա վատ ազդանշան է հետագա ներդրումների համար, սակայն Վրաստանի իշխանությունը կանի հնարավորը՝ ներդրումները շարունակելու համար, մասնավորապես էներգետիկայի ոլորտում: Կառավարությունն ունի 10-ամյա գործողությունների ծրագիր, այդ թվում՝ էներգետիկ առումով, և նախատեսում է ներգրավել միլիարդավոր դոլարների ներդրումներ: Սա, իհարկե, ցավալի որոշում է, տխուր փաստ է, բայց ամեն ինչ կարվի երկրի էներգետիկ անկախությունն ապահովելու համար», – ասել է Կոբախիձեն:
«Էնկա Ռինիուեբլս» ընկերությունը, որը պետք է կառուցեր «Նամախվանի ՀԷԿ»-ը, խզում է Վրաստանի հետ պայմանագիրը: Այս մասին նշված է ընկերության հայտարարության մեջ:
«2019 թվականի ապրիլի 25-ին, մեր ընկերության դուստր ձեռնարկությունը՝ «ENKA Renewables»-ը, Վրաստանի հետ կնքեց երկար ժամանակ շարունակ ընթացող Նամախվանի կասկադի հիդրաէլեկտրակայանի նախագծի մշակման, կառուցման, կառավարման և շահագործման մասին համաձայնագիր: Ընկերությունը Վրաստանի պետությանը տեղեկացնում է պայմանագրի դադարեցման մասին, պայմանագիրը խախտելու և ֆորսմաժորի պատճառով», – ասված է ընկերության հայտարարության մեջ: