Վրաստանի վարչապետ Իրակլի Կոբախիձեն լրագրողներին ասել է, որ արմատական ակտիվիստներ են բերվում Լիտվա՝ բևեռացումը խորացնելու համար, և նրանց համար անցկացվում է համապատասխան վերապատրաստում։

Վարչապետի խոսքով՝ սա չափազանց մտահոգիչ է։

«Խորը պետությունը հատկապես ակտիվորեն օգտագործում է Մեծ Բրիտանիան մեր երկրում բևեռացումը խորացնելու համար, ինչը չափազանց մտահոգիչ է։ Մեզ հաջողվել է նվազեցնել բևեռացումը Վրաստանում, նախևառաջ՝ «Թափանցիկության մասին» օրենքի, այսպես կոչված «Ֆարա» օրենքի, ինչպես նաև «Դրամաշնորհների մասին» օրենքի միջոցով։ Բևեռացումը արմատապես նվազել է, քանի որ այն ուժերը, որոնք նախկինում անթափանց կերպով ֆինանսավորում էին բևեռացումը և ատելության հրահրումը Վրաստանում, այլևս չեն կարող այդքան ազատ գործել։ Այնուամենայնիվ, դուք կարող եք տեսնել, որ նրանք առաջարկել են որոշ այլընտրանքային ձևեր և արմատական ակտիվիստներ են բերում Լիտվա՝ բևեռացումը խորացնելու համար, և նրանց համար անցկացվում է համապատասխան վերապատրաստում։ Սա չափազանց մտահոգիչ է։ Ցավալի է, երբ Վրաստանում ատելություն հրահրելու փորձի հետ կապված են եվրոպական կոնկրետ ուժեր։ Սա իսկապես մտահոգիչ է», – ասել է վարչապետը։