«Մեր խնդիրը հասարակության միասնությունն է, և բանավեճերի նպատակը հենց դրան է ծառայում․ մենք ցանկանում ենք միասին նստել տարբեր կարծիքներ ունեցող մարդկանց հետ և փորձել բոլոր թեմաների շուրջ միասին պարզել ճշմարտությունը», – լրագրողներին հայտարարել է Վրաստանի վարչապետ Իրակլի Կոբախիձեն։

Նրա խոսքով՝ Վրաստանին արհեստականորեն, երկրի սահմաններից դուրս փորձել են պարտադրել ատելություն, նպատակ ունենալով հասարակությունը լիովին բաժանել երկու մասի, և երկիրը պետք է դրան հակադրվի։

«Մեր նպատակը ապաբևեռացման խթանումն է։ Վրաստանում արհեստականորեն, դրսից մեզ պարտադրում էին ատելություն, ցանկանում էին հասարակությունը ամբողջությամբ պառակտել երկու մասի։ Մենք պետք է դրան դիմակայենք։ Մեր խնդիրը, նպատակը հասարակության միասնությունն է, և բանավեճերի նպատակը հենց դա է։ Մենք ուզում ենք միասին նստել տարբեր կարծիքներ ունեցող մարդկանց հետ և միասին փորձել բոլոր թեմաների շուրջ ճշմարտությունը պարզել։ Սա միակ ճիշտ ճանապարհն է, որը մեր երկիրը կհասցնի ապաբևեռացման», – հայտարարել է վարչապետը։