«Մեր կապի գործառույթի՝ Կենտրոնական միջանցքի զարգացումը մեր խնդիրներից մեկն է, և այդ առումով մեծ նշանակություն ունի համագործակցությունը Կենտրոնական Ասիայի երկրների հետ ընդհանրապես, և Ուզբեկստանի հետ, մասնավորապես», – Ուզբեկստանում վրացի լրագրողներին ասել է Վրաստանի վարչապետ Իրակլի Կոբախիձեն։

Ինչպես նշել է Իրակլի Կոբախիձեն, Վրաստանը հնարավորինս ընդլայնում է տնտեսական կապերը։

«Մենք բազմաթիվ երկրների հետ ստորագրել ենք ազատ առևտրի համաձայնագրեր, որոնք բոլորը կօգնեն մեր երկրին էլ ավելի զարգացնել իր տնտեսական հնարավորությունները։ Գիտեք, որ անցած 4 տարիների ընթացքում մեր տնտեսական աճի տեմպերը շատ բարձր են եղել, 4 տարվա ընթացքում միջին աճը եղել է գրեթե 10 տոկոս, և մենք այս տարին շատ լավ ենք սկսել, հունվարի ցուցանիշը կազմել է 11,1 տոկոս։ Մեզ համար ամենակարեւորը չդանդաղեցնելն է եւ ընդհակառակը՝ էլ ավելի նպաստել տնտեսական զարգացմանը։ Այդ առումով, ևս մեկ անգամ կրկնեմ, առանձնահատուկ նշանակություն կունենա մեր երկկողմ համագործակցությունը Ուզբեկստանի հետ»,- ասել է Իրակլի Կոբախիձեն։